काठमाडौँ फागुण ३० । नेकपा (एमाले) का अध्यक्ष केपी शर्मा ओलीले नेपाल बुद्धभूमि भएकाले यहाँ कसैलाई पनि मृत्युदण्डको व्यवस्था गर्न नहुने बताएका छन् । आफू मृत्युदण्डको पक्षमा जान नहुने पक्षमा दृढ रहेको उनले बताए ।
मंगलबारदेखि काठमाडौंमा सुरु भएको मानव अधिकाररक्षक तथा सामाजिक अभियन्ताहरुको तेस्रो राष्ट्रिय सम्मेलनमा बोल्दै उनले बुद्ध जन्मेका देशका बासिन्दाहरु कुनै पनि आवेश वा उत्तेजनामा पनि मृत्यदण्डको पक्षमा जान नहुने समेत बताए ।
अध्यक्ष ओलीले संयुक्त राष्ट्र संघले मानवबीच हुने कुनै पनि प्रकारको विभेदलाई स्वीकार गर्न नसक्ने कुरालाई स्पष्ट पारेको बताए ।
अध्यक्ष ओलीले नेपालमा पनि मानव अधिकार आयोगलाई धम्की दिने राजनीतिक भईरहेको भन्दै असन्तुष्टि समेत व्यक्त गरे ।
उनले माओवादीलाई लक्षित गर्दै बन्दुकमा खिया नलागेको भन्दै धम्क्याउने काम भएको तर्क गरे ।