फागुण २९ काठमाण्डौँ । निराशाजनक स्थितिबाट नयाँ प्रशिक्षक मोन्टी देशाई आएपछि पुनरागमन गरेको नेपाली क्रिकेट टोलीले पछिल्ला खेलहरुमा बलिगं र ब्याटिगं दुबैमा उत्कृष्ट प्रदर्शन जारी राखेको छ । यसै कारण आईसीसी लिग डिभिजन २ मा नेपाल छैटौँ स्थानबाट चौथो स्थानमा उक्लदैँ चार वर्षका लागि एक दिवसीय मान्यता जोगाउन सफल भएको छ ।
नेपालको अबको खुड्किलो दुई खेल जित्न सकेमा विश्वकप छनौट खेल्न पाउने स्थितिमा छ । त्यसमा पनि बाँकी दुबै खेल घरेलु मैदानमा हुने भएकाले नेपाललाई केही सहज छ । पछिल्लो ६ खेलमा घरेलु मैदानमा नेपाली टोली अपराजित छ ।
नेपालले युएई र पपुवा न्युगिनीलाई यही श्रृखलामा पनि पराजित गरीसकेको छ । अब दुई खेलमा जीत हात पारे नेपाल अंक तालिकाको तेस्रो स्थानमा रहँदै विश्वकप छनौट खेल्न पाउनेछ ।
आज बिहान साढे ९ बजे कीर्तिपुर मैदानमा उत्रदा नेपाली टोलीको लक्ष्य स्पष्ट जीत हुनेछ । त्यसपछि आगामी बिहिबार नेपालले युएईसँग लिगको अन्तिम खेल खेल्नेछ ।
