फागुण २० काठमाण्डौँ । एमाले अध्यक्ष केपी ओलीले राजावादी शक्तिहरुलाई बोकेको भन्दै झापा जिल्लाका पाँच नेताले पार्टी परित्याग गरेका छन् ।
नेकपा एमाले झापाकी उपसचिव तथा अधिवक्ता चन्द्र श्रेष्ठ लगायतले पार्टी परित्याग गरेका हुन् ।
शुक्रबार पत्रकार सम्मेलन गर्दै भद्रपुर नगरपालिकाकी पूर्व उपप्रमुखसमेत रहेकी श्रेष्ठले नेकपा एमालेको सम्पूर्ण जिम्मेवारी त्याग गरेको समेत उल्लेख गरिन्।
पार्टी नेतृत्वले आफ्नो क्षेत्र झापा क्षेत्र नम्बर ३ मा एमालेलाई कमजोर बनाएको आरोप लगाउदै पार्टी परित्याग गरेकी हुन्।
पार्टीभित्र योग्यता, क्षमता, योगदान र निष्टावान नेता कार्यकर्ताहरुको आवाज नसुनिएको समेत श्रेष्ठले आरोप लगाइन्।
उनीसँगै एमाले परित्याग गर्नेमा प्रदेश कमिटी सदस्य पदम थापा, ३ नं क्षेत्रीय कमिटी सदस्य सज्जाद आलम, बाह्रदशी गाउँपालिका कमिटी सदस्य हवालोदिन मियाँ तथा बाह्रदशी गाउँपालिका सचिवालय सदस्य रहिम मियाँ रहेका छन्।
श्रेष्ठले पार्टीले राप्रपा जस्ता राजावादी शक्तिलाई बोकेको आरोप लगाएकी छन् ।