फागुण १९ काठमाण्डौँ । विश्व क्रिकेट लिग डिभिजन २ मा नेपालले पपुवा न्युगिनी बिरुद्ध खेलिरहेको छ । नेपालले १८० रनको चूनौती सामना गर्दै जवाफी व्याटिङ गर्ने क्रममा शुरुमै झड्का व्यहोरेको छ ।
पहिलो बलमै नेपालका ओपनर कुसल भुर्तेल शु्रन्य रनमा आउट भए पछि नेपाल दबाबमा परेको छ ।
टस हारेर फिल्डिङ पाएको नेपालले उत्कृष्ट बलिङ गर्दै पपुवा न्युगिनीलाई १७९ रनमा ५० औँ ओभरमा अलआउट गर्यो । नेपालका लागि सोमपाल कामी २, दिपेन्द्र सिंह ऐरी २, सन्दीप लामिछाने १, करण केसी र कुसल मल्ले एक एक विकेट लिएका थिए ।
पपुवा न्युगिनीका टोनी उराले सर्वाधिक ३९ रन बनाए भने हिरी हिरीले ३१ तथा डोरीगाले २६ रन बनाउनु बाहेक अन्यले उल्लेख्य रन बनाउन सकेनन् । नेपालमाथि एक दिवसीय मान्यता कायम राख्न आजको खेल जित्नै पर्ने दबाब छ । यही श्रृखलामा नेपाल युएईसँग पराजित भएको थियो भने पपुवा न्युगिनीले युएईलाई पराजित गरेको थियो ।
