फागुण १७ काठमाण्डौँ । नेकपा एमालेका अध्यक्ष केपी शर्मा ओलीले नेता वामदेव गौतमलाई एमालेमा आउन आग्रह गरेका छन्।
राष्ट्रपति निर्वाचनमा एमालेका तर्फबाट उम्मेदवार बनेका उपाध्यक्ष सुवासचन्द्र नेम्वाङलाई मत माग्न बुधबार दिउँसो गौतम निवास भैंसेपाटी पुगेका ओलीले राष्ट्रपतिमा नेम्वाङलाई मत मागेर त्यसपछि एमालेमा फर्कन सुझाएका थिए ।
जवाफमा गौतमले एमालेमा राखिएको ७० वर्षे प्रावधान अवरोध रहेकाले त्यसलाई हटाउन माग गरेका थिए । एमालेको विधान अनुसार ७० बर्ष उमेर पुगेका कुनैपनि नेतालाई कार्यकारी पदमा रहन वा पार्टीको चुनाव लड्न निषेध गरिएको छ ।
गौतम ७० वर्षमाथिका भएकाले उनले पार्टीको नेतृत्व नपाउने भएकाले यस्तो प्रावधान हटाउन माग गरेको बुझिएको छ ।
तत्कालीन नेकपा विभाजनपछि गौतम एकता राष्ट्रिय अभियान नामक पार्टी गठन गरेर छुट्टै गतिविधि सञ्चालन गर्दै आएका छन्।
