भ्रष्टाचार आरोपमा सेनाका दुई कर्णेल पक्राउ

भ्रष्टाचार आरोपमा सेनाका दुई कर्णेल पक्राउ

  • बुधबार, फाल्गुन १७, २०७९
  • मिर्मिरे अनलाइन

  • 4.1K
    SHARES

फागुण १७ काठमाण्डौँ । आर्थिक अनियमितता गरेको आरोपमा नेपाली सेनाका उपरथी प्रेमप्रकाश शाहीमाथि छानबिन अघि बढिरहेका बेला अरु दुईजना कर्णेल पक्राउ परेका छन्।

शाहीले अनियमितता गरेको ठहर कोर्ट अफ इन्क्वाइरीले निष्कर्ष निकालेको केही दिनमै थप दुईजना कर्णेल समातिएका हुन्।

कोर्ट अफ इन्क्वाइरीको प्रतिवेदनपछि सैनिक मुख्यालयले शाहीविरुद्ध आइतबार कोर्ट मार्सल (सैनिक अदालत) गठन गरेको थियो।

यस्तोमा सैनिक मुख्यालयले शाहीसँगै अनियमिततामा जोडिएको जनाउँदै महासेनानी महेन्द्र शाह र प्रमुख सेनानी कुलदीप तिम्सिनालाई पक्राउ गरेर अनुसन्धान थालेको हो।

सैनिक प्रवक्ता सहायक रथी कृष्णप्रसाद भण्डारीका अनुसार शाहीसँगै अनियमिततामा उनीहरुको पनि संलग्नता रहेको कोर्ट अफ इन्क्वाइरीले खुलाएपछि अनुसन्धान थालिएको हो।

यसअघि सेनाले शाहीविरुद्ध अदालती प्रक्रिया सुरु गरिसकेको छ। उनी दोषी भएनभएको र सजाय के कति हुने भन्ने कोर्ट मार्सलले टुंगो लगाउनेछ। शाहीबारे छानबिनका लागि सिनियर उपरथीको नेतृत्वमा कोर्ट मार्सल गठन गरिएको छ।

उपरथी शाहीमाथिको आरोप पुष्टि भए उनलाई सजाय हुनेछ। शाहीमाथि सेनाले आर्थिक अनियमितताको आरोपमा कारबाही अगाडि बढाएको हो।

 

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ