वैकल्पिक ऊर्जा प्रवर्द्धन केन्द्रको कार्यकारी निर्देशक पदका लागि निवेदन आह्वान

वैकल्पिक ऊर्जा प्रवर्द्धन केन्द्रको कार्यकारी निर्देशक पदका लागि निवेदन आह्वान

  • आइतवार, फाल्गुन १४, २०७९
  • मिर्मिरे अनलाइन

  • 2.9K
    SHARES

१४ फागुन, काठमाडौं । ऊर्जा, जलस्रोत तथा सिंचाइ मन्त्रालयले वैकल्पिक ऊर्जा प्रवर्द्धन केन्द्रको कार्यकारी निर्देशक पदका लागि निवेदन आह्वान गरेको छ ।

खुला प्रतिस्पर्धाबाट नियुक्त हुने कार्यकारी निर्देशक पदका लागि इच्छुक नेपाली नागरिकहरुले आजदेखि १५ दिनभित्र निवेदन दिन सक्ने केन्द्रले जनाएको छ ।
कार्यकारी निर्देशकका लागि अर्थशास्त्र, व्यवस्थापन, इन्जिनियरिङ वा ऊर्जा सम्बन्धी विषयमा स्नातकोत्तर उपाधिसहित वैकल्पिक ऊर्जाको क्षेत्रमा कम्तिमा १० वर्ष काम गरेको अनुभव हुनुपर्ने छ ।

इच्छुक उम्मेदवारहरुले आफ्नो हस्ताक्षरसहितको बायोडाटा, दुई हजार शब्दमा नबढाइ लेखिएको चार वर्षे व्यवसायिक कार्ययोजना प्रस्ताव, हाल कुनै संस्थामा कार्यरत रहेको भए सो संस्थाको सहमति र नोटरी पब्लिकबाट प्रमाणित नेपाली नागरिकता, शैक्षिक योग्यता र कार्य अनुभवका प्रमाणपत्रहरु पेश गर्नुपर्ने छ ।

वैकल्पिक ऊर्जा प्रवर्द्धन केन्द्र नेपालमा नवीकरणीय/वैकल्पिक ऊर्जा प्रविधिको विकास र प्रवर्द्धन गर्ने उद्देश्यले तत्कालीन विज्ञान तथा प्रविधि मन्त्रालयअन्तर्गत रहने गरी २०५३ साल कात्तिक १८ गते (१९९६ नोभेम्बर ३ मा) स्थापना भएको सरकारी संस्था हो ।

हाल यो ऊर्जा, जलस्रोत तथा सिँचाइ मन्त्रालय मातहतमा छ । केन्द्रको अध्यक्ष ऊर्जामन्त्री रहने व्यवस्था छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ