मकवानपुरमा हात्तीको आक्रमणबाट महिलाको मृत्यु, स्थानीयद्धारा चेकपोस्ट तोडफोड

मकवानपुरमा हात्तीको आक्रमणबाट महिलाको मृत्यु, स्थानीयद्धारा चेकपोस्ट तोडफोड

  • सोमवार, फाल्गुन ८, २०७९
  • मिर्मिरे अनलाइन

  • 3K
    SHARES

फागुन ८, मकवानपुर । मकवानपुरमा जंगली हात्तीको आक्रमणबाट एक महिलाको मृत्यु भएको छ । मनहरी गाउँपालिका–४ मसिनेमा सोमबार बिहान हात्तीको आक्रमणबाट घाइते भएकी ६४ वर्षीया राधा अधिकारीको उपचारका क्रममा चितवनस्थित मेडिकल कलेजमा मृत्यु भएको हो ।

हात्तीको आक्रमणबाट उनको मेरुदण्डसहित शरीरका विभिन्न भागमा गम्भीर चोट लागेको थियो । करेसाबारीमा काम गरिरहेको अवस्थामा उनलाई जंगली हात्तीले आक्रमण गरेको प्रहरीले जनाएको छ ।

हात्तीको आक्रमणबाट वृद्धा घाइते भएसँगै आक्रोशित स्थानीयहरूले पर्सा राष्ट्रिय निकुञ्जअन्तर्गत मनहरी–३, लामिटारमा रहेको लामिटार चेकपोस्ट तोडफोड गरेका थिए ।

स्थानीयहरूले निकुञ्जका कर्मचारी र नेपाली सेना बस्दै आएको पोस्टमा तोडफोड गरेका हुन् । तोडफोडबाट सेनाले प्रयोग गर्दै आएको गाडीसहित कार्यालय र गोलघरमा क्षति पुगेको छ । पोस्ट नजिकै स्थानीयले आगजनीसमेत गरेका छन् । सेनाले स्थानीयको सुरक्षा दिन नसकेको भन्दै वृद्धाको मृत्युपछि उनीहरू आक्रोशित बनेका थिए ।

साथै सेनाले हात्ती लखेट्न र धनजनको क्षति रोक्न कुनै भूमिका नखेलेको भन्दै स्थानीय आक्रोशित भएका हुन् । निकुञ्जमा रहेको हात्ती बाटो बिराएर आइतबार साँझ त्यस क्षेत्रमा आएको हुनसक्ने बताईएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ