माघ २८ काठमाण्डौँ । राष्ट्रपतिले संसदमा संवोधन गरेर निवासमा फर्किने क्रममा बीर अस्पताल ट्रमा सेन्टर अगाडी ड्युटीमा जाँदै गरेका डा. जनिथलाल सिंह माथि कुटपिट भएको घटनाको बिरोधमा आज माईतीघरमा प्रदर्शन भएको छ । उनी ट्रमा सेन्टरका बरिष्ठ अर्थोपेडिक सर्जन हुन् । यसै गरी ट्रमाकै अन्य चिकित्सकहरुलाई समेत प्रहरीले लाठी हानेको थियो । राष्ट्रपतिको सवारीका बेला सडकमा हिँडेको भन्दै डाक्टरहरुमाथि प्रहरीले लाठी प्रहार गरेको थियो ।
चिकित्सा क्षेत्र सुधार अभियान्ता डा. गोविन्द केसी सहितले भिआईपी चाहिँदैन, जनता कुट्न पाँईदैन जस्ता नारा लेखिएका प्लेकार्ड बोकेर प्रदर्शन गरेका हुन् ।
दोषीलाई कारबाही नभएसम्म वीर अस्पताल र राष्ट्रिय ट्रमा सेन्टरमा ओपीडी सेवामा आफूहरू सहभागी नहुने चिकित्सकहरूले बताएका छन् । चिकित्सक कुटपिटको विरोधमा वीर अस्पताल र राष्ट्रिय ट्रमा सेन्टरका आवासीय चिकित्सकहरूले आंशिक रूपमा सेवा प्रवाहमा अवरोध गरेका छन् ।