पुष ११ काठमाण्डौँ । अमेरीका र नेपालको दोहोरो नागरिकता र पासपोर्ट प्रयोग गरिरहेको र त्यसको छानविन चलिरहेका रवि लामिछानेलाई गृहमन्त्री बनाएको भन्दै राष्ट्रपति भवन अगाडी विरोध प्रदर्शन भएको छ ।
उनीहरुले आफूलाई नेपाली कांग्रेसनिकट नेविसंघका कार्यकर्ता भएको बताएका छन्। गृहमन्त्रीको शपथग्रहण गरिसकेका रविसँग अमेरिकी पीआर र राहदानी रहेको उनीहरुको आरोप छ। त्यस्तै उनीसँग नेपाली नागरिकता र राहदानी पनि रहेको उनीहरुले बताएका छन्।
उनीहरुले प्लेकार्ड देखाउँदै नाराबाजी गरेका हुन्। त्यसक्रममा केही युवालाई प्रहरीले नियन्त्रणमा लिएको छ। आधा दर्जनको संख्यामा रहेका सबैलाई पक्राउ गरेर महाराजगञ्ज बृत्तमा राखिएको छ।
उपप्रधानमन्त्रीहरुको शपथग्रहण सकिएपछि उनीहरुले नाराबाजी थालेका थिए। नक्कली नागरिकता प्रकरणमा सर्वोच्चमासमेत मुद्दा चलिरहेका पात्र गृहमन्त्रीको जिम्मेवारी दिएकोमा उनीहरुले आपत्ति जनाए।
लामिछाने बिरुद्ध अख्तियार, सर्वोच्च अदालत र गृहमन्त्रालयमा मुद्धा चलिरहेको छ ।
लामीछानेले आफनो नागरिकता छानविन स्वतन्त्र रुपमा हुने मन्त्री भएपछि बताएका छन् ।