मंसिर ५, सुर्खेत । दैलेखको ठाँटीकाँध गाउँपालिकामा मतदान अधिकृतले मतदान सकिएपछि मतपेटिका प्रहरी चौकीमा लगेर छाडेपछि विवाद उत्पन्न भएको छ ।
ठाँटीकाँध गाउँपालिका वडा नम्बर २ पिपलचौतारास्थित जनता आधारभूत विद्यालय केन्द्रका मतदान अधिकृत ज्वालाप्रसाद खनालले प्रहरी चौकीमा मतपेटिका छाडेका हुन् । उनले आइतबार राति प्रहरी चौकीमा लगेर मतपेटिका छाडेका हुन् ।
मतपेटिका छाडेर हिडेपछि विवाद उत्पन्न भएको र घटनाबारे छानविन भईरहेको दैलेखका मुख्य निर्वाचन अधिकृत सरोजनिधि वाग्लेले बताए। लापर्बाही हो वा जानीजानी भएको हो त्यसबारे बुझ्न बाँकी भन्दै मुख्य निर्वाचन अधिकृत वाग्लेले अहिले सर्वदलीय बैठक बसिरहेको र त्यसबारे निर्णयमा पुगिने जानकारी दिए ।
निर्वाचन क्षेत्र नम्बर २ अन्तर्गत रहेको उक्त मतदान केन्द्रमा ७ सय मतदाता रहेकोमा ४ सय ५८ मत खसेको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline