भारतीय सेना प्रमुख नेपाल आँउदै , राष्ट्रपतिले मानार्थ सेनापतिको दर्जा प्रदान गर्ने

भारतीय सेना प्रमुख नेपाल आँउदै , राष्ट्रपतिले मानार्थ सेनापतिको दर्जा प्रदान गर्ने

  • आइतवार, भदौ १९, २०७९
  • मिर्मिरे अनलाइन

  • 4.8K
    SHARES

भदौ १९ काठमाण्डौँ । भारतीय स्थल सेनाध्यक्ष जनरल मनोज पांडे आज नेपाल आउँदै छन् । प्रधानसेनापति प्रभुराम शर्माको औपचारिक निमन्त्रणामा उनी नेपाल आउन लागेका हुन् ।

पाँचदिने नेपाल भ्रमणका क्रममा उनले सैनिक मञ्च टुँडिखेलस्थित वीर स्मारकमा श्रद्धाञ्जली अर्पण, सेनाको मुख्यालय जंगी अड्डामा सम्मान गारत निरीक्षण गर्ने सैनिक जनसम्पर्क तथा सूचना निर्देशालयले जनाएको छ । यस्तै, उनले प्रधानसेनापति शर्मासँग भेटघाट एवं छलफल, भारतीय सेनाको तर्फबाट नेपाली सेनालाई सहयोगस्वरूप प्रदान गरिने विविध सामग्रीको हस्तान्तरण गर्नेछन् ।

राष्ट्रपति विद्यादेवी भण्डारीले उनलाई एक विशेष समारोहका बीच नेपाली सेनाको मानार्थ महारथीको दर्जा प्रदान गर्ने कार्यक्रम रहेको छ। नेपाली सेना र भारतीय सेनाबीच यस्तो परम्परा रही आएको छ । भ्रमणका क्रममा उनले प्रधानमन्त्री शेरबहादुर देउवासँग औपचारिक भेटघाट गर्ने कार्यक्रम तय भएको छ ।
यसैबीच, पछिल्लो भारत सरकारले ल्याएको अग्नीपथ योजनाको नेपालमा बिरोध भईरहेका बेला त्यस विषयमा समेत छलफल हुन सक्ने बताईएको छ । मोदी सरकारले अग्नीपथ योजना अन्तर्गत सेनामा चार वर्षका लागि मात्रै भर्ती हुन पाउने भनिएपछि नेपालमा गोर्खा भर्ती छनौट रोकिएको छ ।
वर्षेपिच्छे एक हजार नेपाली युवा भारतीय सेनामा भर्ती हुने गरेका छन् । भारतीय सेनामा गोर्खा रेजिमेन्ट अन्तर्गत ३४ हजार नेपाली कार्यरत छन् । नेपालले अग्नीपथ योजना अन्तर्गत गोर्खा भर्ती नगर्ने योजना बनाएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ