भदौ ३ काठमाण्डौँ । धरानका मेयर हर्क साम्पाङले काठमाण्डौँका मेयर बालेन्द्र शाहप्रति ब्यग्य जारी राखेका छन् ।
केही दिन काठमाडौं बसेर फर्किएका उनले फोहोर व्यवस्थापन गर्न आइ परेको जटिलताका कारण तनावमा रहेका मेयर बालेन्द्र शाहलाई लक्षित गर्दै स्टाटस लेखेका थिए ।
त्यसबाट आक्रोशित बालेन्द्रले हर्ककै पोस्टमा जवाफ फर्काउँदै स्थानी निर्वाचनमा पनि आफू उनैले उपलब्ध गराएको लौरो चुनाव चिह्नबाट उठेको भन्दै कटाक्ष गरेका थिए । पछि बालेन्द्र्रले कमेन्ट हटाएका थिए ।
काठमाण्डौँ आएर प्रचण्डलाई समेत भेटेर फर्किएका हर्कले धरान पुगेर पनि काठमाण्डौँबारे टिप्पणी गर्न छाडेका छैनन् ।
फोहोरसम्म सोहोर्न नसक्नेले के फुइँ लाउनु बेकारमाु, उनले भनेका छन्, फोहोर ठेगान लगाएर बल्ल कुरा गर्नु है, हावा गफ होइन, काम चाहिएको छ जनतालाई । विहिबार बेलुका उनले स्टाटस लेखेका छन् ।
काठमाण्डौँको फोहोर हेर्दा आफूलाई श्रमदान गर्न मन लागेको र काठमाण्डौ आफू पुगेपछि फोहोर उठ्न थालेको भनेपछि बालेन्द्र चिढिएका थिए ।
धरानमा चार ठाँउबाट खानेपानीको मुहान सुधार गरेको, ६ लाख बिरुवा रोपेको, बिजुली परिक्षण गरेको लगायतका विभिन्न सय दिने उपलव्धि पनि हर्कले यस अघि सार्वजनिक गरेका थिए ।