साउन १ काठमाण्डौँ । एमालेको अर्थ तथा योजना विभागमा रहेको खुलेपछि विवादमा तानिएका गभर्नर महाप्रसाद अधिकारीको राजीनामा माग गर्दै नेविसंघ र अखिल क्रान्तिकारीले बालुवाटारमा प्रदर्शन गरेको छ ।
सो क्रममा निषेधित क्षेत्र तोडिएपछि प्रहरीले हस्तक्षेप गरेको छ ।
प्रहरीले केही प्रदर्शनकारी विद्यार्थीलाई नियन्त्रणमा लिएको छ ।
दलीय सलंग्नता र शैक्षिक योग्यता समेतका विषयहरुमा प्रश्न उठेको भन्दै युवा विद्यार्थी संगठनहरुले गभर्नर अधिकारीलाई कार्यालय प्रवेशमा रोक लगाउने उद्देश्यले प्रदर्शन गरेका हुन् ।
गभर्नर अधिकारी नेकपा एमालेको अर्थ तथा योजना विभागका सदस्य भएको सार्वजनिक भएसँगै अधिकारीको नियुक्तिबारे बहस र आलोचना सुरु भएको हो ।
प्रदर्शनलाई संवोधन गर्दै नेविसंघका अध्यक्ष अध्यक्ष डोजाङ शेर्पाले गभर्नर महाप्रसाद अधिकारी अधिकारीले तत्काल राजीनामा दिनुपर्ने बताएका छन् । अध्यक्ष शेर्पाले गभर्नर अधिकारीले तत्काल राजीनामा नदिए उनका जुनसुकै कार्यक्रमहरु बिथोल्ने चेतावनी दिए ।
कार्यक्रममा अखिल ९क्रान्तिकारी० की अध्यक्ष पञ्चा सिंहले २४ घण्टाभित्र अधिकारीको राजीनामा नआए सडकमा उनका विरुद्ध आगो बाल्ने चेतावनी दिइन् । अध्यक्ष सिंहले पनि गभर्नर अधिकारी संलग्न हरेक सार्वजनिक कार्यक्रमहरु बहिष्कार गर्ने चेतावनी दिइन् ।