साउन १ काठमाण्डौँ । विवादमा तानिएका गभर्नर महाप्रसाद अधिकारीलाई कार्यलय प्रवेशमा रोक लगाउन नेविसंघ र अखिल क्रान्तिकारीले आज बालुवाटार घेर्ने भएका छन् ।
विहान १० बजे वालुवाटारमा जम्मा हुने दुई संगठनका कार्यकर्ताले गभर्नरलाई कार्यलय प्रवेशमा रोक लगाएर राजीनामाका लागि दबाब दिने तयारी गरेका हुन् ।
राष्ट्र बैंकको ऐन विपरीत गभर्नर एमालेको अर्थ तथा योजना विभागको सदस्य भएको खुलेको भन्दै उनीहरुले यस अघि पनि माईतीघरमा प्रदर्शन गरेका थिए ।
मौद्रिक नीति ल्याउने तयारी गर्दै गरेका गर्भनर एमालेको सो विभागमा रहेको एमालेको अन्तरपार्टी निर्देशिकामा एम अधिकारी उल्लेख गरेसँगै उनी विवादमा परेका थिए ।
एमालेले एम अधिकारी गभर्नर हैन भने पनि अर्को व्यक्ति फेला नपरेपछि महाप्रसाद अधिकारी नै एम अधिकारी भएको भन्दै सर्वत्र आलोचना भईरहेको छ ।
गठबन्धनका नेता र प्रधानमन्त्री देउवा समेत गभर्नरले राजीनामा दिनु पर्ने पक्षमा रहेका छन् ।