डडेलधुराका सरकारी कर्मचारीलाई बाँधेर भीरबाट फालेर गाडी लुटेर भागेका तीन भारतीय नागरिक जंगलबाट पक्राउ

डडेलधुराका सरकारी कर्मचारीलाई बाँधेर भीरबाट फालेर गाडी लुटेर भागेका तीन भारतीय नागरिक जंगलबाट पक्राउ

  • सोमवार, असार १३, २०७९
  • मिर्मिरे अनलाइन

  • 11.3K
    SHARES

असार १३ कैलाली । कैलालीमा डडेलधुराका कम्युटर अपरेटरसँग लिफ्ट मागेर उनैलाई कुटेर बाँधेर भीरबाट फालेर कार लुटेर भागेका तीन जना भारतीय नागरिक जंगलबाट पक्राउ परेका छन् ।

प्रहरीले लुटपाट गरेको आरोपमा तीन जना भारतीय नागरिकलाई पक्राउ गरेको जिल्ला प्रहरी कार्यालय कैलालीका प्रहरी नायब उपरीक्षक बेदप्रकाश जोशीले जानकारी दिए।

पक्राउ पर्नेमा भारतको हरियानाका २१ वर्षीय भगत सिंह, १८ वर्षीय साहिल बादलिसे र २० वर्षीय सन्नी जात छन्।

सोमबार डडेल्धुराको आलिताल गाउँपालिकामा कम्प्युटर अपरेटर पदमा कार्यरत लोकेन्द्रसिंह भण्डारी कैलालीको गोदावरी नगरपालिका(४ गाइमारेमा घाइते अवस्थामा फेला परेका थिए। भिरमा हातखुट्टा बाँधेर फालिएको अवस्थामा उनी फेला परेका थिए।

उनी खुट्टामा बाँधेको डोरी खोलेर घिस्रिँदै सडकसम्म पुगेपछि स्थानीयले थाहा पाएका थिए। स्थानीयले उनको उद्धार गरेर प्रहरीलाई खबर गरेका थिए। प्रहरीलाई दिउँसो १ बजे खबर भएको थियो।

त्यहाँ गाडी भेटिएपछि प्रहरी त्यस जंगलतर्फ केन्द्रित भएको थियो। त्यहाँ स्थानीय समेतको सहयोग लिएर प्रहरीले तीन जना भारतीय नागरिकलाई पक्राउ गरेको हो।

उनीहरूले घुमाउन लगिदेऊ भनेर गोदावरीको उकालोतिर भण्डारीलाई लगेर कुटपिट गरी बाँधेर फालेको र उनको गाडी र पैसा लुटेर भागेको प्रहरीको प्रारम्भिक अनुसन्धानले देखाएको छ।

 

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ