असार ९ काठमाण्डौँ । दुई करोड रुपैया लिएर सहकारी ठगी अभियोगमा जेलमा रहेका व्यवशायी एवं पूर्व एमाले सांसद ईच्छाराज तामाङलाई धरौटीमा छुटाउन भन्दै न्यायधीशसँग डिल गर्ने अधिवक्ता रुद्र पोखरेल कार्बाहीमा पर्ने संभावना बढेको छ ।
संभवतः उनको कानुन व्यवशायीको प्रमाणपत्र रद्ध हुन सक्ने छ । यो कार्बाही भए उनले वकालत गर्न पाउने छैनन् ।
जिल्ला अदालत काठमाडौंका न्यायाधीशसँग घुस बार्गेनिङ गर्ने अधिवक्ता रुद्र पोखरेलविरुद्ध नेपाल बार काउन्सिलले म्याद जारी गरेको छ।
बसेको अनुसाशन समितिको बैठकले उनलाई ७ दिनभित्रमा यस बारेमा जवाफ दिन भनेको छ ।
सार्वजनिक भएको अडियो र नेपाल बार एसोसियशनको विज्ञप्तिलाई आधार मानेर बार काउन्सिलले म्याद जारी गर्ने निर्णय गरेको हो। बोर्ड बैठकले पोखरेललाई कारबाही गर्न अनुशासन समितिमा सिफारिस गरेको थियो।
महान्यायाधीवक्ता खम्मबहादुर खाती नेतृत्वको अनुसाशन समितिमा नेपाल बारका पूर्वअध्यक्ष चण्डेश्वर श्रेष्ठ र रदिसभक्त प्रधानांग सदस्य छन्।
यस बारेमा पोखरेलले स्पष्टीकरण बुझाएपछि अर्को मिति तय गरेर थप प्रमाण बुझ्ने अथवा कारबाहीको निर्णय गर्न सक्नेछ।
काउन्सिलले नसिहत दिने, निलम्बन गर्ने अथवा प्रमाण पत्र नै रद्द गर्न सक्ने निर्णय गर्नेछ। पोखरेल नेपाल बार एसोसियसनका पूर्वकोषाध्यक्ष समेत हुन्।
न्याय परिषद्ले न्यायधीश कोईरालालाई समेत जिम्मेवारीमुक्त गर्दै छानविन समिति बनाएको छ ।