दाङ, २९ वैशाख। नेकपा बहुमतका संयोजक धर्मेन्द्र बास्तोला पक्राउ परेका छन् । प्रहरीले उनलाई दाङको भालुवाङबाट पक्राउ गरेकाे हाे । उनी सहितको टोली पोखराबाट नेपालगन्ज जाँदै गर्दा भालुवाङबाट पक्राउ परेकाे हाे ।
नेकपा बहुमतका नेता गुणराज लोहनीका अनुसार बाँस्तोलालाई दाङको भालुवाङमा राखिएको छ । बाँस्तोलालाई षडयन्त्रमूलक तरिकाले गिरफ्तार गरिएको भन्दै लोहनीले तुरुन्त रिहा गर्न माग गरेका छन् ।
हालै मात्र नेपाल कम्युनिस्ट पार्टीबाट अलग भएर बास्तोला नेकपा बहुमतका संयोजक बनेका थिए ।
बुधबार साँझ बुटवलमा भएको बम विस्फोटको घटनामा संलग्न रहेको आशंकामा बाँस्तोलालाई बिहीबार बिहान ५ बजेतिर प्रहरीले पक्राउ गरेको हो ।
चुनावकै विषयलाई लिएर नेत्रविक्रम चन्द ‘विप्लव’ नेतृत्वको नेकपाबाट विभाजन भई उनले केही दिनअघि मात्र नयाँ पार्टी गठन गरेका थिए ।
निर्णय गरेपनि विप्लव प्रकाण्डले विभिन्न स्थानीय तहमा आफ्नै पार्टीका नेता कार्यकर्तालाई उम्मेदवार बनाएर चुनावमा होमिएपनि बास्तोलाको नेतृत्वमा नयाँ पार्टी बनेको थियो ।
स्थानीय तहकाे चुनावकाे पूर्वसन्ध्यामा उनी पक्राउ परेका हुन् । चुनाव शुक्रबार हुँदैछ ।
- फाईल तस्बिर