पोखरा ११ बैशाख । स्थानीय चुनावको मनोनयन गर्नु पर्ने दिन नै एमाले पोखरामा असन्तुष्टी बढेको छ ।
नेकपा एमालेकी केन्द्रीय सदस्य एवं पोखरा महानगरपलिकाको उपमेयर पदकी उम्मेदवार मञ्जुदेवी गुरुङले आफ्नो उम्मेदवारी अस्वीकार गरेकी छिन् ।
उनले यस अघि देखि नै मेयरमा पनि आकांक्षा देखाएकी थिईनन् । तर कार्यकर्ताहरु जुनियर दिपक पौडेललाई मेयर र गुरुङ पार्टीमा पनि सिनियर रहेको अवस्थामा उपमेयरमै सीमित राख्न खोजेपछि उनले असन्तुष्टी जनाएको अनुमान गरेका छन् ।
आफूलाई सल्लाह नलिई, नसोधी गरिएको निर्णय आफूलाई स्वीकार्य नहुने उनले नेताहरुलाई चेतावनी दिएकी छन् ।
केन्द्रीय सदस्य र हालको महानगरको उपमेयरलाई तल राखेर मेयरमा प्रदेश सचिवालय सदस्य रहेका दीपक पौडेललाई मेयरको उम्मेदवार बनाउने निर्णयप्रति पोखराका कार्यकर्ताहरुमा असन्तुष्टी बढेको छ ।
गठबन्धनले पनि पूर्व एमालेकै नेता एकीकृत समाजवादीको तर्फबाट उम्मेद्धारी दिदैछन् । यस्तो बेला प्रतिस्पर्धा कठिन हुने भएकाले पनि पार्टी भित्र विवाद बढ्नु घाटा हुने भन्दै कार्यकर्ताहरुमा चिन्ता छाएको छ ।