सत्ता गठबन्धनसँग तालमेल गर्ने लोसपाको प्रयासमा अनुगमन संयन्त्र बाधक

सत्ता गठबन्धनसँग तालमेल गर्ने लोसपाको प्रयासमा अनुगमन संयन्त्र बाधक

  • सोमवार, चैत्र २८, २०७८
  • मिर्मिरे अनलाइन

  • 7.4K
    SHARES

काठमाडौं, २८ चैत ।
सत्तारुढ गठबन्धनसँग चुनावी तालमेल गरेर जाने लोकतान्त्रिक समाजवादी पार्टी नेपाल (लोसपा नेपाल) को प्रयास असफल हुने देखिएको छ ।

स्थानिय तह निर्वाचन प्रयोजनका लागि पाँच दलीय गठबन्धनको तयारी र अनुगमन संयन्त्रले गठबन्धन आवद्ध दलहरु बिचमा मात्रै साझा उम्मेदवार चयन गर्न सुझाव पेश गरेपछि लोसपाको प्रयास असफल हुने देखिएको हो ।

आफना माग पुरा गराउन तथा स्थानिय तह निर्वाचनमा तालमेल गर्ने बिषयमा लोसपा अध्यक्ष महन्थ ठाकुरले दुई दुई पटक प्रधानमन्त्रीसमेत रहेका नेपाली कांग्रेसका सभापति शेरबहादुर देउवासँग छलफल गरेका थिए । कांग्रेस सभापति देउवा तालमेलका लागि सकारात्मक रहेको जनाउँदै भारत भ्रमणवाट फर्केपछि पुनस् वार्ता गर्ने भनिरहेको बेला अनुगमन संयन्त्रले पाँच दल बिचमा मात्रै गठबन्धन गर्न सिफारिस गरे पछि लोसपाको सो प्रयास असफल हुने देखिएको हो ।

‘स्थानिय तह निर्वाचनका लागि पाँच दलीय गठबन्धनका बिचमा मात्र तालमेल गरी गठबन्धनको भावना र आपसी सम्मान कायम गर्दै सहकार्य गरी अघि बढने’ सुझाव अनुगमान संयन्त्रले दिएकोे छ । सो सुझावका आधारमा कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी नेपाल र राष्ट्रिय जनमोर्चाका बिचमा मात्रै गठबन्धन हुने देखिएको छ ।

सोमवार बस्ने गठबन्धन शिर्ष नेतृत्वको बैठकले अन्यसँग पनि गठबन्धन गर्ने निर्णय नलिएको खण्डमा लोसपाको प्रयास अन्ततस् असफल हुने देखिएको छ । ‘अहिलेसम्म गठबन्धन गर्ने भनेर केन्द्रिय निर्णय भएको छैन, स्थानिय तहले आवाश्यक्ताका आधारमा चुनावी तालमेल गर्न सक्नेछन,’ केन्द्रिय कार्यकारिणी सदस्य सुरेन्द्र झाले भने, ‘सत्तारुढ गठबन्धनसँग तालमेल नभए अन्यसँग तालमेलको ढोका भने खुल्ला रहेनछ, हामी छलफलमा नै छौं ।’ उनका अनुसार नेकपा एमालेसहित साना दलहरुसँग तालमेल गरेर अघि बढने बारेमा छलफल अघि बढाउन सकिने विकल्प भने अझै खुल्ला रहेको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ