चैत्र २० सिन्धुपालचोक । नेपाली काँग्रेसका महामन्त्री गगन थापाले एमाले अध्यक्ष केपी शर्मा ओलीलाई ब्यग्यात्मक जवाफ दिएका छन् ।
सिन्धुपालचोकमा एक कार्यक्रममा बोल्दै थापाले प्रधानमन्त्री शेर बहादुर देउवालाई केही दिन अघि ओलीले चार हजार वृद्धा भत्ता थाप्न र सूर्यमा भोट हाल्न गरेको कटाक्षको जवाफ दिँदै उनले मृगौला पीडित सहित दीर्घ रोगीलाई मासिक पाँच हजार भत्ता सरकारले दिने निर्णय गरेकाले थाप्न आउन ओलीलाई कटाक्ष गरेका हुन् ।
उनले प्रधानमन्त्री भारत भ्रमणमा जानु अघि छलफलका लागि फोन गरिएको तर उनले भ्याउदिन भनेको भन्दै अहिले थाहा नभएको बताउनु सरासर झुट भएको बताए ।
उनले पाँच वर्ष सरकार चलाउने अवसर पाँउदा चलाउन नसकेर संसद नै पटक पटक भंग गरेर ओलीले सत्ता र शक्तिको दुरुपयोग गरेको भन्दै अब जनताले चिन्न सक्नु पर्ने बताए ।
थापाले तालमेल गर्ने विषयमा आफूहरुले फरक कुरा राख्दै आएको भए पनि अब गठबन्धन गर्ने निर्णय पार्टीले गरीसकेकाले त्यसलाई सबैले मान्नु पर्ने बताए ।
एमालेले माओवादीसँग रातारात गरेको तालमेल ठीक हुने अनि काँग्रेसले गरेको गठबन्धन बेठिक हुने भन्ने कुरै आँउदैन, सबैले मानेर जानु पर्छ थापाले भने ।