पर्सा १२ चैत । नेपालबाट भारतमा हात्ती बेच्ने उदेश्यले पर्साको पकहामैनपुरबाट भारततर्फ लैजाँदै गरेको दुई वटा हात्तीसहित तीन जनालाई प्रहरीले पक्राउ गरेको छ । भारतमा बिक्री गर्न लैजाँदै गरेको अवस्थामा पकहामैनपुर गाउँपालिका–५ सबैठवाबाट दुई वटा हातीसहित तीन जनालाई पर्सा प्रहरीले पक्राउ गरेको छ ।
पर्सा प्रहरीले हात्तीसहित माउते चितवन भरतपुर महानगरपालिका– १८ जीतपुर बस्ने ६० वर्षीय बुद्धिराम महतो, ४० वर्षीय राजु कुमाल र पर्साको पकहामैनपुर गाउँपालिका–५ सबैठवाका ३५ वर्षीय सफरोज आलम पक्राउ परेका हुन् ।
भारततर्फ हात्ती बिक्री गर्न लैजाँदै गरेको सूचना पाएपछि पुगेको प्रहरी टोलीले उनीहरुलाई पकहामैनपुर गाउँपालिका–५ पोखरिया टोलिले बुद्धिराम महतो र राज कुमाल माउते र सफरोज आलमलाई नियन्त्रणमा लिएको इलाका प्रहरी कार्यालय पोखरियाका प्रहरी निरीक्षक दीपक थापाले जानकारी दिए ।
पक्राउ परेका हात्ती र मानिसहरुलाई आवश्यक कारबाहीका लागि राष्ट्रिय निकुञ्ज तथा वन्यजन्तु संरक्षण कार्यलयको जिम्मा लगाईएको छ । उनिहरुलाइ राष्ट्रिय निकुञ्ज तथा वन्यजन्तु संरक्षण ऐन अनुसार आवश्यक कारबाहीका लागि पर्सा राष्ट्रिय निकुञ्जमा बुझाइने जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले बताए ।
