चैत्र ११ काठमाण्डौँ । छिमेकी चीन र भारत समेत तठस्त रहँदै आएको युक्रेन र रुसबीच जारी युद्धमा नेपालले आफूलाई फेरी युक्रेनको पक्षमा उभ्याएको छ । गएरातिच सम्पन्न मतदानमा नेपालले युक्रेनको पक्षमा मतदान गरेको हो । बिहीबार राति राष्ट्रसंघको महासभामा युक्रेन लगायत मुलुकले तयार पारेको मानवीय सहायता सम्बन्धी प्रस्तावमा नेपालले पक्षमा भोट हालेको छ।
महासभाको ११ औं आपतकालीन विशेष सत्रमा युक्रेनमा मानवीय सहायतासम्बन्धी प्रस्ताव दुई तिहाइ बढी सदस्यहरूको मतबाट पारित भएको छ।
राष्ट्रसंघका १९३ सदस्यमध्ये प्रस्तावको पक्षमा १४० भोट आएको थियो भने विपक्षमा पाँच भोट परेको थियो।
विपक्षमा भोट हाल्नेमा रूस, सिरिया, उत्तर कोरिया, इरेट्रिया र बेलारूस थिए। नेपालका दुई छिमेकी भारत र चीनसहित ३८ मुलुक मतदानमा अनुपस्थित भएका थिए ।
यस अघिका मतदानहरुमा पनि नेपालले युक्रेनको पक्षमा मतदान गरेको थियो ।