चैत्र १ काठमाण्डौँ । स्थानीय तहको चुनाव अवधिका लागि एक लाख म्यादी प्रहरी भर्ना प्रकृया शुरु भएको छ । प्रहरीले आज सूचना प्रकाशित गरी म्यादी प्रहरी माग गरेको हो । चैत ६ देखि ११ गतेसम्म दर्खास्त दिन सकिने सूचना जारी भएको छ ।
१८ बर्ष देखि ५४ वर्ष भन्दा कम उमेरका सबै योग्य नागरिकले जिल्ला प्रहरी कार्यलयमा गएर फारम गर्न सक्ने छन् । म्यादी प्रहरीमा भर्ना हुनका नागरिकले फौजदारी अभियोग लागेको नहुनुपर्ने, कुनै राजनीतिक दलको सदस्य हुनु नहुने, शारीरिक र मानसिकरुपले तन्दुरुस्त हुनुपर्ने लगायतका मापदण्ड राखिएका छन् । पूर्व सूरक्षाकर्मी, पूर्व म्यादी प्रहरी एवं वैदेशिक रोजगारीबाट फर्किएकाहरुलाई प्राथमिकता दिईने जनाईएको छ ।
चैत्र २२ मा अन्तिम नतिजा निस्किसकेपछि उनीहरुले ४० दिन सम्म म्यादी प्रहरीको रुपमा सेवा गर्न पाउनेछन् ।
म्यादी प्रहरीका लागि प्रहरी जवानको तलब सरह महिनाको २२,६८ रुपैयाँले ३० हजार २४० रुपैयाँ दिइने छ । यस बाहेक उनीहरुलाई खाद्यान्नवापत एकमुष्ठ ७ हजार २०० रुपैयाँ र पोशाक र अन्य सामग्री खरिदका लागि प्रतिव्यक्ति ६ हजार रुपैयाँका दरले थप रकम उपलब्ध गराइने छ ।
