फागुण १३ विराटनगर । मोरङको लेटाङ नगरपालिका – ८ ज्यामिरे टोलकी १२ वर्षिया करुणा राईलाई स्कुलबाट फर्कने क्रममा सोही ठाउँका ६३ वर्षिय दिपक गिरीले बाटोमा बलात्कार गरी हत्या गरेर उनको शबलाई ढुंगाले छोपेको स्वीकार गरेका छन् ।
गिरीले बलात्कार गरेपछि पोल खुल्ने डरले मुख थुनेर पिटेर हत्या गरेको र लुगा जुत्ता घर छेउमा ल्याएर जलाएको स्वीकारेका छन् । उनी अहिले प्रहरीको नियन्त्रणमा छन् ।
गिरीलाई प्रहरीले आज पक्राउ गरेको मोरङ प्रहरी प्रमुख एसपी जर्नादन जिसीले जानकारी दिए । गिरीले बुधबार पाँच बजे स्कूलबाट घर फर्किएकी करुणालाई बलत्कार गरेपछि हत्या गरेको स्वीकार गरेको एसपी जिसीले बताए ।
गिरीलाई करणी र कर्तव्य ज्यान मुद्धामा हिरासतमा राखिएको छ । पक्राउ परेका गिरीको एक महिना अगाडी श्रीमतिको मृत्यु भएको थियो ।
स्कूलबाट घर फर्किने क्रममा बुधबारदेखि हराएकी करुणाको शुक्रबार विहान लेटाङ ८ लालहीरा सामुदायिक वनभित्र केराको झ्याङ भित्र शव फेला परेको हो ।
यो घटनापछि विद्यार्थी र स्थानीयवासी स्तव्ध भएका छन् ।
