भक्तपुरमा हालै कोरोना संक्रमित भएका बेला एमाले अध्यक्ष केपी ओली सार्वजनिक कार्यक्रममा सहभागी भएको भन्दै आलोचना भईरहेका बेला युथ काँग्रेसले कार्बाहीको माग गरेको छ । एउटा रक्तदान कार्यक्रममा अध्यक्ष ओलीले आफूलाई पनि कोरोनाले भेटेको भाषणमै सुनाएका थिए ।
सो घटनापछि विरोध र आलोचनाई भईरहेका बेला भक्तपुरको युथ काँग्रेसले कानुन स्थापित गर्न र पालना गर्न पनि अध्यक्ष ओली बिरुद्ध कार्बाही गर्न माग गर्दै निवेदन दिन प्रशासनमा गएको तर निवेदन दर्ता नभएको भन्दै विज्ञप्ति नै जारी गरेर विरोध गरेको छ ।
हिजो भक्तपुरमा अभिजित अधिकारी र वीरेन्द्र मडैले ओली विरुद्ध निवेदन दर्ताको लागि आवश्यक प्रक्रिया पूरा गरेपनि प्रशासनले दर्ता गरेन। उनीहरुले हिजै आफूहरुको शान्ति सुरक्षाको निम्ति भन्दै ओलीलाई लक्षित गरी अर्को निवेदन लेखेपनि त्यो पनि प्रशासनले दर्ता गर्न अस्वीकार गरेको थियो ।
त्यसपछि युथ काँग्रेसले विज्ञप्ति निकालेर निवेदन दर्ताको माग गरेको हो ।

