कञ्चनपुर, २ माघ।
कञ्चनपुर उद्योग वाणिज्य संघका बरिष्ठ उपाध्यक्ष पिताम्बर जोशीले हात्ती पीडित परिवारलाई खाद्यान्न सहयोग गरेका छन ।
भीमदत्त नगरपालिका वडा नम्बर १९ बाँगफाटाका तीन जना हात्ती पीडित परिवारलाई खाद्यान्न दिएका हुन ।
बाँगफाटाका स्थानीय कलावती भाट घाईते सहित भाटका तीन परिवारको घरमा जंगली हात्तीले क्षति गरेको थियो ।

‘म बिहान हात्ती प्रभावित क्षेत्रमा गएको थिए, ‘वाणिज्य संघका बरिष्ठ उपाध्यक्ष जोशीले भने, ‘उनीहरुको अवस्था दयनिय रहेको पाईयो, यो शितलहरमा आफ्नो तर्फबाट समाजिक काम गरेको बताए ।’ उद्योगी व्यवसायी एव समाजसेवी समेत रहेका जोशीले हात्ती पीडित परिवारलाई आधारभूत आवश्यकता दाल चामल सहितको खाद्यान्न वितरण गरेका छन । बरिष्ठ उपाध्यक्ष जोशीले खाद्यान्न राहत दिएसंगै हात्ती पीडित परिवारहरु हर्षित भएका छन । देशका तीन तहाका सरकार भएपनि कुनैपनि सरकारले पीडितलाई राहत नदिएपनि पीडितका लागि जोशी भगवान बनेर आएको भन्दै स्थानियले आभार प्रकट गरेका छन ।

