काठमाडौं । काठमाडौं उपत्यकामा कोरोना संक्रमण बढेसँगै आजबाट स्मार्ट लकडाउन शुरु भएको छ । हिजो उपत्यकाका प्रमुख जिल्ला अधिकारीहरुको बैठकले रातीदेखि नै ‘स्मार्ट लकडाउन’ लागू गर्ने निर्णय गरेको थियो ।
जिल्ला प्रशासन कार्यालय काठमाडौंले स्मार्ट लकडाउनका लागि १८ बुदे आदेश जारी गरेको छ ।
स्थानीय प्रशासनहरुले सर्वसाधारणलाई अत्यावश्यक नपरी घरबाहिर ननिस्कन र सार्वजनिक स्थानमा जाँदा अनिवार्य मास्क लगाउन भनेका छन् ।
यसैगरी, माघ ७ गतेदेखि सिनेमाघर र पार्टी प्यालेसलगायत सार्वजनिक स्थानमा जाँदा अनिवार्य खोप कार्ड देखाउन भनिएको छ । यसै गरी आजबाट २५ जना भन्दा बढी भेला हुन पनि रोक लगाईएको छ ।
औषधि लगायत अत्यावश्यक बस्तु तथा सेवा आपूर्तिमा कृतिम अभाव सिर्जना गर्ने, मूल्यवृद्धि गर्ने गरेमा कानुन बमोजिम कारबाही गर्ने पनि आदेशमा उल्लेख छ । हिजैबाट नेपालका सबै विद्यालयहरु माघ १५ सम्मका लागि बन्द भईसकेका छन् ।