पर्सामा लगातार तीन जनाको हत्यापछि स्थानीय त्रसित ( भिडियो सहित )

पर्सामा लगातार तीन जनाको हत्यापछि स्थानीय त्रसित ( भिडियो सहित )

  • आइतवार, पुस २५, २०७८
  • दिपक चौरसिया

  • 11.3K
    SHARES

बिरगंज २५ पुस । पर्सामा शुक्रबार र शनिबार गरि छुट्टाछुट्टै स्थानमा तीन जना को हत्या भएको छ । हत्या हुनेमा एक बालक र एक बालिका र एक जना भारतीय नागरिक रहेका छन । हत्या गरीएको अवस्थामा शव फेला परेको पर्सा प्रहरीले जनाएको छ।

शुक्रवार बिहान ५ बजे वीरगञ्जको गण्डकस्थित बयोद्या अस्पताल पछाडिको नहरीमा भारतको कोलकात्ता घरभई हाल वीरगंजको छपकैयामा बस्दै रहेको इरिक्सा चलाक ४८ वर्षीय मुख्तार मियाँको शब फेला परे को थियो । उनी बुधवार साँझ ६ बजेदेखि बेपत्ता थिए। उनको टाउको र आखामा धारिलो हतियार प्रहार गरी हत्या गरिएको हुन सक्ने प्रहरीको प्रारम्भिक अनुसन्धानमा देखिएको छ।

शुक्रवार दिउँसो पर्साको पश्चिमी भेग जगरनाथपुर गाउँपालिका वडा नम्बर ६ सन्ठी गाउँमा १२ वर्षीय बालकको शव फेला परेको थियो। घाँटीमा गम्छा बेरिएको अवस्थामा सन्ठी गाउँ नजिकैको उखुबारीमा स्थानीय नागेश्वर पटेलका छोरा मन्टु पटेलको शव फेला परेको परिवारजनले सनाखत गरेका छन्। बालक पनि बिहीवार रातिदेखि बेपत्ता थिए। उनको पनि हत्या नै गरिएको पर्सा प्रहरीको आशंका छ।

त्यसैगरी, शनिवार बिहान वीरगंज(१६ नगवास्थित रेल्वेरोड नजिकै निर्माणाधीन घर नजिक बालिकाको शब फेला परेको थियो । वीरगंज(१५ भिस्वामा बुवाआमासँगै डेरामा बस्दै आएकी ९ वर्षीया रिजवाना खातनुको शव फेला परेको पर्सा प्रहरीका प्रवक्ता डीएसपी ओमप्रकाश खनालले बताए।

‘तीन वटै घटना शंकास्पद देखिएको छ’, उनले भने, ‘प्रहरीको प्रारम्भिक अनुसन्धानमा योजना बनाएर नै तीन वटै हत्या भएको हुन सक्ने देखिएको छ। अनुसन्धान सकिएपछि थप कुरा खुल्नेछ।’

उनले सबै शवहरु नारायणी अस्पतालमा पोस्टमार्टमको लागि पठाइएको बताउँदै तीन वटै घटनामा संलग्न भएको आशंकामा आफन्तजन तथा अन्य गरी १२ जनालाई निगरानीमा राखी सोधपुछ भइरहेको बताए।

वीरगञ्जको गण्डकस्थित बयोद्या अस्पताल पछाडिको नहरीमा भारत नागरिकको शव फेला परेको हो । र
जगरनाथपुर गाउँपालिका वडा नम्बर ६ सन्ठी नजिकै रहेको उखुबारीमा गम्छाले बेरिएर फालिएको अवस्थामा बालकको शव फेला परेको हो। र वीरगंज(१६ नगवास्थित रेल्वेरोड नजिकै निर्माणाधीन घर नजिक बालिकाको पनि शब फेला परेको थियो ।

घटनामा संलग्न रहेको हुन सक्ने आशंकामा १२ जनालाई नियन्त्रणमा लिएर अनुसन्धान गरिरहेको खनालले जानकारी दिए ।

पर्सामा दिनदिनै शव बरामद हुन थालेपछि आपराधिक गतिविधि बढ्ने आशंकाले जिल्लावासी त्रसित बनेका छन्।

https://www.youtube.com/watch?v=w5RKqsjF8y8&feature=youtu.be

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ