राष्ट्रिय सभाको निर्वाचनमा गठबन्धनका उम्मेद्धारलाई जिताउन उच्च स्तरीय राजनीतिक समन्वय समितिको अपील

राष्ट्रिय सभाको निर्वाचनमा गठबन्धनका उम्मेद्धारलाई जिताउन उच्च स्तरीय राजनीतिक समन्वय समितिको अपील

  • बिहिबार, पुस २२, २०७८
  • मिर्मिरे अनलाइन

  • 6.7K
    SHARES

काठमाडौं पुष २२ । राजनीतिक समन्वय समितिले राष्ट्रिय सभा निर्वाचनमा सत्तारुढ गठबन्धनलाई जिताउन अपिल गरेको छ। आज बालुवाटारमा बसेको बैठकले सत्तारुढ गठबन्धनबाट उम्मेद्वार दिएका नेतालाई जिताउने निर्णय गरेको बैठकपछि सरकारका प्रवक्ता एवम् कांग्रेस नेता ज्ञानेन्द्रबहादुर कार्कीले जानकारी दिए ।

बैठकमा प्रधानमन्त्रीको भारत भ्रमण, प्रतिनिधि सभा सञ्चालन, राष्ट्रिय सभा निर्वाचनको विषयमा छलफल भएको थियो । प्रधानमन्त्री देउवा आईतबार भारत भ्रमणमा जाँदैछन् ।
राष्ट्रियसभा निर्वाचनका लागि मंगलबार १९ पदमा ९ दलका ४३ जनाले उम्मेदवारी दिएका छन्। माघ १२ मा हुने निर्वाचनबाट महिला सात, दलित तीन, अपांगता भएका व्यक्ति वा अल्पसंख्यक दुई र अन्य समूह सात जना निर्वाचित हुनेछन् ।

प्रतिपक्षी एमालेले १९ वटै सिटमा उम्मेदवारी दिएको छ। प्रमुख पतिपक्ष दल एमालेविरुद्ध सत्तारुढ गठबन्धनमा आबद्ध दलले साझा उम्मेदवार उठाएका छन्। कांग्रेसले ६, माओवादी केन्द्र र एकीकृत समाजवादीले ५÷५ सिट पाएका छन्। जसपाले २ र राजमोले एक सिटमा उम्मेदवारी दिएका छन्। नेपाल मजदुर किसान पार्टीले दुई र लोकतान्त्रिक समाजवादी पार्टीले एक उम्मेदवार उठाएका छन्।

सरकार सञ्चालन गर्न कांग्रेस नेता रामचन्द्र पौडेलको संयोजकत्वमा राजनीतिक समन्वय समिति गठन भएको थियो। समितिको सदस्यमा नेकपा ९माओवादी केन्द्र०का अध्यक्ष पुष्पकमल दाहाल ुप्रचण्डु र नारायणकाजी श्रेष्ठ, नेकपा (एकीकृत समाजवादी) का अध्यक्ष माधवकुमार नेपाल, कांग्रेस नेता कृष्ण सिटौला, जसपा अध्यक्ष उपेन्द्र यादव र राष्ट्रिय जनमोर्चाका अध्यक्ष चित्रबहादुर केसी र दुर्गा पौडेल सदस्य रहेको राजनीतिक समन्वय समिति गठन गरेको थियो।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ