मखमली फुले सयपत्री फुले जाईहरू कहाँ छन्
तिहार लाग्यो सेलरोटी पोल्ने ताइहरू कहाँ छन् ?

चाड पर्वले निमन्त्रण गरी बाटो कुरेको यो बेला
मुग्लानबाट फर्की आउने ती भाइहरू कहाँ छन् ?

बाल्यकालकै याद ओढी शरद खुलेको यो बेला
माइतीघराँ गोठालो लाग्ने ती गाईहरू कहाँ छन् ?

उसबेला सम्झि मनमा ढुकढुकी बढेको यो बेला
भैलेनी गाउँदै भेल पारेका ती पाईहरू कहाँ छन् ?

धपक्कै पानस झझल्को बोकी जलेको यो बेला
टीका लगाई पँधेरी धाउने ती साइहरू कहाँ छन् ?

रित्तो निधारमै परदेशीहरू टोलाईरहेको यो बेला
खाडीबाटै बहिनी सम्झिने ती दाइहरू कहाँ छन् ?

विचौलिया र बुख्याँचाहरू

तेस्रो ‘अन्तरराष्ट्रिय नेपाली फिल्म अवार्ड’ नेपालमा हुने

वैचारिक निष्ठा र क्रान्तिकारी कलमका अमर प्रतीक: कृष्ण सेन ‘इच्छुक’

राष्ट्रपतिद्वारा भानु साहित्य उद्यानको शिलान्यास

वसुन्धराश्री पुरस्कार साहित्यकार चन्द र मानश्री पुरस्कार आनन्द अरुणलाई

‘युद्धका जीवित स्मृतिहरू–शृङ्खला २’ पुस्तक सार्वजनिक