ललितपुर । नेपाल ज्ञानमाला भजन लगायत आधुनिक संगीत क्षेत्रमा अतुलनिय योगदान दिनुहुने भजन गुरु, संगीतज्ञ, गायक, रचनाकार, कलाकार तथा समाजसेवी स्व. पद्मज्योति बज्राचार्य द्वारा संगीतबद्ध नेपालभाषा गीत ूजित ख्वय्का छ वने फइ मखुू को म्युजिक भिडियो गत शनिवार एक भर्चुयल कार्यक्रमको आयोजना गरि सार्वजनिक गरिएको छ ।
नेपालभाषा तथा नेपाली भाषाका दर्जनौं भजन र आधुनिक गितका गायिका बिष्णु माया ब्यञ्जनकारले गाउनु भएको उक्त गितको म्युजिक भिडियोमा सञ्चारकर्मि तथा कलाकार अनुप शाक्य,ं नेपालभाषा क्षेत्रका लोकप्रिय तथा अनुभवी नायिका रोजिना सुवाल तथा सुष्मा बज्राचार्यको अभिनय रहेको छ । दर्जनौं म्युजिक भिडियोमा अभिनय तथा निर्देशन गरिसक्नु भएका कलाकार तथा निर्देशक सुरज नापितले यस म्युजिक भिडियोको निर्देशन गर्नुभएको हो । स्व. मन्त बज्रले निकै मार्मिक रुपले रचना गर्नुभएको यस गितको म्युजिक भिडियोको कथा सत्य घटनामा आधारित रहेको र त्यागको विषयलाइ समेटिएको निर्देशक सुरज नापितले बताउनु भयो । यस म्युजिक भिडियोको छायांकन, सम्पादन तथा कलर करेक्सन अमर चित्रकारले गर्नुभएको हो ।
जारी निषेधाज्ञाको समयमा पनि जुम मार्फत भर्चुयल रुपमा आयोजित उक्त प्रिमियर कार्यक्रममा मुख्य अतिथिको रुपमा नेपालभाषाका म्युजिक भिडियाका प्रथम निर्देशक तथा बरिष्ठ पत्रकार बिजयरत्न असंबरे रहनु भएको हो । साथै कार्यक्रममा सञ्जय शर्मा राजोपाध्याय, नेवा राष्ट्रिय पत्रकार दबुका अध्यक्ष सुरज बीर बज्राचार्यका साथै विभिन्न मिडियाका सञ्चारकर्मि तथा ब्यक्तित्वहरुको उपस्थिति रहेको उक्त भर्चुयल कार्यक्र्रमको सञ्चालन अनुप शाक्यले गर्नुभएको हो ।
स्मरणिय रहोस् : सार्वजनिक उक्त गितको ओरिजिनल भर्सन स्व. पद्मज्योति बज्राचार्यंले गाउनु भएको हो ।
