पिउने दुधमा विष किन फिटिन्छ बारम्बार
मालीहरूबाटै फूल किन लुटिन्छ बारम्बार ?

आफैँले बुझी भन ओ महान चित्रकारहरू
तस्विरको अनुहार किन मेटिन्छ बारम्बार ?

आफैँलाई नढाँटी भन ओ सर्वज्ञ प्रेमीहरू
प्रेमकै गलामा छुरा किन रेटिन्छ बारम्बार ?

ढकनी उघारी भन ओ दिव्य मूर्तिकारहरू
मूर्तीकै चक्षु आँसु किन भेटिन्छ बारम्बार ?

नादान नबनी भन ओ ग्वाला गोठालाहरू
गाईसँग त्यो बाछो किन छुट्टिन्छ बारम्बार ?

कपटी नगरी भन ओ सर्वश्री मालिकहरू
भट्टाभित्रै मजदुर किन कुटिन्छ बारम्बार ?

कुर्सीमा बसेर भन ओ कृपालु शासकहरू
हाँडीभित्रै शासित किन भुटिन्छ बारम्बार ?

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू