नयाँ सालमा गुराँस बनी मनैभरि फुल्न सकुँ
हिमाल पहाड तराईमा इन्द्रेणीझैँ खुल्न सकुँ !

कथा कति अतितका व्यथा पनि अनेक छन्
पीडा दिने चोटहरू एक(एक गरी भुल्न सकुँ !

आफ्नै देश आफ्नै सहर आफ्नै गाउँको बाटो
सिरसिर चल्ने बतासझैँ निर्भयमा झुल्न सकुँ !

हीरा जुहारत चाहिँदैन मनमै तृप्ति भए पुग्छ
जिन्दगीको सन्दुकभरि थोरै खुसी हुल्न सकुँ !

करूणा-प्रेम जागेपछि आनन्दीको वर्षा हुन्छ
त्यागी सारा रिस राग सबैको साथ घुल्न सकुँ !

नव वर्षमा सबको मुहार मुस्कानले भरियोस्
यही माटोको महक भरी धर्तीभरि डुल्न सकुँ !

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू