उदास भयो जिन्दगी नै होली हरायो कि
शुन्य भा’छ गाउँ शहर बोली डरायो कि !

विचारको बगरभरि धाँजा फाट्यो आज
प्यासी हुँदा धर्ती पनि खोली डरायो कि !

श्रमिकहरू दास भए श्रमचोर मालिक
शरीर नाङ्गो देखेपछि चोली डरायो कि !

लुटेराको भाँडै ठुलो अनेक हुन्छन् दाउ
मनको लोभ उठेपछि झोली डरायो कि !

रङ्क रैती एकै हुन्छ चीतामाथि जल्दा
लाश पनि उठ्छ भनी डोली डरायो कि !

काम छैन हुकुम तिम्रो मिठो बोल्ने गर
वचन वाण बिझेपछि गोली डरायो कि !

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू