दृष्यहरू आँखैमा हुन्छन् जगतमा खोज्छौ किन
प्रेमले हुन्छ यशस्वी पनि तागतमा खोज्छौ किन ?

मस्तीको हुँदैन लालढड्डा कतै बहिदारले राखेको
जिउनुमै छ जिन्दगी रस लागतमा खोज्छौ किन ?

ह्रदयभित्रै छ जुहारतको खानी आफैँले भेटिन्छ
श्रम नै हो धनको मुहान फगतमा खोज्छौ किन ?

नियालेर हेर पल(पलको घडी वर्तमान साक्षी छ
खुसीको हार सामुन्ने छ आगतमा खोज्छौ किन ?

भुवन धरा डुलेर सारा त्यो धन्य कहाँ पो भेटिन्छ
मुस्कानभित्रै त जीवन छ भगतमा खोज्छौ किन ?

अफ्ठ्यारो हुन्न जिउन पनि हिसाव किताब मिले
संबन्ध नै हो आफ्नो भन्नु रगतमा खोज्छौ किन ?

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू