कन्चनपुर फागुन २०। कञ्चनपुरको दक्षिणी क्षेत्र बेलौरीमा भारती तस्कर र प्रहरीविच गोली चलेको छ । लागु औषध बोकेर नेपाल आईरहेका भारतीय तस्कर र प्रहरीविच बेलौरी नगरपालिका वडा नम्बर ७ टेडुवा सीमा क्षेत्रमा गोली चलेको थियो ।
बिहीबार साँझतिर इलाका प्रहरी कार्यालय बेलौरीबाट खटीएको गस्ती टोलीमाथि भारतीय तस्करले पहिला गोली चलाएपछि नेपाल प्रहरीले जवाफी कार्बाही स्वरुप गोली चलाएको हो । सो क्रममा प्रहरीले प्रहरीले गोली प्रहार गर्दा तस्करको मृत्यु भएको छ ।
बेलौरी नगरपालिका(७ को सिमावर्ती क्षेत्रमा बिहीबार साँझ साढे ६ बजे दोहोरो मुठभेड हुँदा प्रहरीले गोली चलाएको उनले बताए।
जिल्ला प्रहरी कार्यालय कञ्चनपुरका प्रहरी प्रवक्ता अमर बहादुर थापाले भारतीय तस्करबाट नेपालमा लागु औषध ल्याउन लागेको सूचना पाएपछि प्रहरीलाई त्यसतर्फ टोली परिचालन गरीएको बताए ।
‘हाम्रो टोली सीमा क्षेत्रमा पुग्दा भारतीय तस्करले गोली चलाए, ‘प्रंवक्ता थापाले भने, ‘जवाफी कार्बाहीमा एक भारतीय तस्करमाथि गोली लाग्यो, बाँकी तस्कर फरार भएका छन ।’दोहोरो गोली चले पछि नेपाल प्रहरी तर्फ पनी एक जना समेत घाईते भएको प्रवक्ता थापाले बताए ।
‘हाम्रो प्रहरीको पनि एक जनाको खुट्टामा चोट लागेको छ, ‘उनले भने, ‘घटना बारे थप बुझ्न म आफै घटना स्थल जाँदैछु ।’ प्रहरीले घटना स्थलबाट लागु औषध सहित नक्कली नोट बनाउने मेसिन समेत बरामद गरेको प्रवक्ता थापाले बताए । घाईते भएका प्रहरी लाई उपचारका लागि लगिएको उनले बताए ।
ब्राउनसुगरका कारोबारी नेपालतर्फ आइरहेको सूचनाका आधारमा प्रहरी पुगेको थियो। अहिले त्यहाँ प्रहरीले सर्च अपरेसन चलाइरहेको छ।
