काठमाण्डौं मंसीर १० । बर्दिबासमा मंगलबार ६ वर्षीया बालिकाको अपहरण र बलात्कारपछि हत्या भएको भन्दै गरिएको प्रदर्शनमा प्रहरीको गोली लागेर घाइते भएका बुद्धिराज न्यौपानेको मृत्यु भएकाके छ । उनलाई उपचारका लागि हिजै काठमाण्डौंकाके ग्रान्डी अस्पतालमा ल्याईएको थियो ।
हत्या गरी बोरामा कोचेर फालिएको अवस्थामा स्थानीय ६ बर्षीया गुलबसा खातुनको शव मंगलबार बिहान बर्दिबास–१४ स्थित उनको घरनजिकै फेला परेको थियो ।
पसलमा चकलेट किन्न गएकी बालीकालाई फकाएर अपहरण गरी बलात्कार पछि हत्या गरिएको स्थानीयको भनाई छ ।
शब सडकमा राखेर आन्दोलनमा उत्रिएका प्रदर्शनकारीमाथि प्रहरीले गोली चलाएको थियो । जसबाट घाईते तीन जना मध्य न्यौपानेको मृत्यु भएको हो । अर्का घाईते श्याम कार्कीको भने उपचार भईरहेकको छ ।
बालिकाको हत्या गरेको आरोपमा प्रहरीले एक जनालाई पक्राउ गरिसकेको छ । उनले आफूले हत्या गरेको स्वीकाकर गरीसकेका छन् । 
आक्रोसित प्रदर्शनकारीले आरोपीतको पक्की घर समेत जलाएका थिए ।
