कात्रो पनि भरिदिऊँ भन्थें रास यतै छुट्यो
आखिरमा त लाश जल्दा सास यतै छुट्यो !

उप्रोमाथि थुप्रो भए नि झनै रित्तो हुने मन
धनको लोभ मस्त चढ्यो बास यतै छुट्यो !

चुच्चे ढुङ्गो उही टुङ्गो हुँदोरहेछ जिन्दगानी
गाउँ घर छोडी शहर छिरें पास यतै छुट्यो !

दिनरात यसै बिते जुवाखालको डवलीमा
अन्तिम दाऊ थापूँ भन्थें तास यतै छुट्यो !

जग सारा यतै छोडी घोडा चढी अगि बढें
वैकुण्ठ सयर गरूँ भन्थे आश यतै छुट्यो !

पेट भरिन्न आङ ढाकिन्न थुपारेर के काम
नाङ्गै आएथें निख्लै गएँ खास यतै छुट्यो !

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू