६ कात्तिक, काठमाडौं । प्राविधिक शिक्षा तथा व्यावसायिक तालिम परिषद् (सिटीईभिटी)ले कोरोना (कोविड १९) का कारण स्थगित परिक्षा म्रसिर ८ गतेदेखि सुरु गर्ने भएको छ । सिटीईभिटीले डिप्लोमा तहको नियमित तथा आंशिक सेमेस्टर र डेन्टल कन्भर्जनको परीक्षा ८ मंसिरबाट पूर्वनिर्धारित परीक्षा केन्द्रहरूमै सञ्चालन गर्न निर्णय गरेको हो ।
नेपाल सरकार, प्रदेश सरकार र स्थानीय सरकारले तोकेको स्वास्थ्य सुरक्षा मापदण्ड पालना गरेर परीक्षा सञ्चालन गरिने सिटीइभिटीले जनाएको छ ।
कोभिड–१९ संक्रमण देखिएका परीक्षार्थीले भने होम आइसोलेसन वा संस्थागत आइसोलेसनमा बसेको प्रमाण पेस गरेमा छुट्टै परीक्षाको व्यवस्था गरिने भएको छ ।
परीक्षा जुध्न गएका परीक्षार्थीहरूलाई सूचना प्रकाशित भएको मितिले सात दिनभित्र परीक्षा नियन्त्रण कार्यालयमा सम्पर्क गर्न भनिएको छ । सिटीईभिटीले डिप्लोमा÷प्रमाणपत्र तहको एक विषय मौका परीक्षा भने २२ कार्तिकमा सञ्चालन गर्ने भएको छ ।
यसअघि राष्ट्रिय परिक्षा बोर्डले बुधवार मात्रै कक्षा १२ को परीक्षा ९ मंसिरदेखि गर्ने निर्णय गरेको थियो ।
