कालो गोरो रङ देखेर व्याबहार गर्नेहरु हो
एक पटक सन्तान सम्झिएर हेर
तिम्रा सन्तानलाई बिभेद गर्दा बिरोध गर्नेहरू हो
एक पटक हेपिएको पल सम्झेर हेर
कति पीडामा हुन्छन् बिचरा ती साथीहरू
एक पटक खुशी दिएर हेर।

शहरिया बनि आफू,अरुलाई पाखे भन्नेहरू हो
एक पटक गाउँमा पुगेर हेर
केराको बोटलाई नरिबल भन्दै सेल्फी खिच्नेहरु हो
एक पटक बास्नादार स्वास फेरेर हेर
कति चौडा हुन्छन् ती छातीहरु
एक पटक खुशी दिएर हेर।

बिहे गर्दा जात सोध्नेहरु हो
एक पटक रगत लिएर हेर
बिरामी हुँदा अस्पतालमा छट्पटाउनेहरु हो
एक पटक धन्यवाद दिएर हेर
कति खुशी हुन्छन् ती दलित जातिहरु
एक पटक खुशी दिएर हेर।

– पदमकुमार श्रेष्ठ ” अरबिन्द “

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू