भदौ ५ काठमाण्डौं । भारतले अतिक्रमण गरेको नेपाली भूमि लिपुलेकसगँ जोडिएको क्षेत्रमा चीनले सतहबाट हावामा प्रहार गर्ने क्षेप्यास्त्र तैनाथ गर्ने तयारी गरेको भारतीय सञ्चार माध्यमहरुले दाबी गरेका छन् ।
यस अघि सो क्षेत्रमा चीनले एक हजार अतिरिक्त सेना तैनाथ गरिसकेको छ ।
ओपन सोर्स ईन्टेलिजेन्स डटे्रस्फाले स्याटेलाईट तस्वीरमा चीनले क्षेप्यास्त्र राख्न साईट निर्माण गरीरहेको दाबी गरेको छ ।
तस्वीरमा दाबी गरिए अनुसार मानसरोबर झिल क्षेत्रमा उक्त क्षेप्यास्त्र तैनाथ हुने छ ।
लिपुलेक नेपाल, चीन र भारतको त्रिदेशीय विन्दु समेत पर्दछ ।
भारतले तिव्वतको मानसरोबर जोड्न नेपाली भूमि लिपुलेकमा सडक बनाए पछि कडा बिरोध हुदै आएको छ ।
नेपालले यसमा आपत्ति जनाउदै वार्ताको प्रयास गरे पछि अझै सम्म सीमा वार्ता हुन सकेको छैन ।
चीन र भारतबीच पनि ३५ सय बढी किलोमिटर क्षेत्रमा सीमा विवाद रहदै आएको छ ।
जुन १५ मा दुबै देशबीच भएको हिंशात्मक झडपमा २० जना भारतीय सेना मारिए पछि सीमा क्षेत्रमा दुबै देशले सेना र हतियारको तैनाथी तीव्र पारेका छन् ।
यद्यपि, वार्ता समेत उनीहरुले जारी राखेका छन् ।