भदौ २ इटहरी । केहि दिन अघि सार्वजनिक भएको इटहरीस्थित जनता बहुमुखि क्याम्पसमा कार्यरत दुइ प्राध्यापकको अडियो प्रकरणबारे सत्य तथ्य छानविन गर्न विप्लव नेतृत्वको नेकपा निकट अखिल क्रान्तिकारीले माग गरेको छ ।
केहि दिन अघि सो कलेजमा कार्यरत उप प्रध्यापक राजन भट्टराइ र सहायक प्राध्यापक कृष्णकला राइको एक अडीयो क्लिप बाहिरिए पनि सम्बन्धित निकाय मौन रहेको भन्दै अखिल क्रान्तिकारीले ध्यानाकर्षण गराएको हो ।
अखिल क्रान्तिकारीकी सुनसरी अध्यक्ष नतसा सुवेदीले जारी गरेको विज्ञप्तिमा दुबै प्राचार्यका कारण कलेजको बदनाम भएको, प्राध्यापकहरुप्रति विस्वासको वातावरण नरहेको भन्दै कार्बाहीको दायरामा ल्याउन माग गरेकी छन् । उक्त अडियोमा अस्लील संवाद भएको बुझिएको छ ।
यो घटनाबारे अविलम्ब छानविन गरी दोषीमाथि कार्बाही गर्न विज्ञप्तिमा माग गरिएको छ ।
हेर्नुस् विज्ञप्तिः
