काठमाडाैं, २६ साउन । नेपाली कांग्रेसका सभापति शेर बहादुर देउवाले पार्टीका विभिन्न विभागमा पदाधिकारी तथा सदस्यहरु मनोनयन गर्नुभएको छ ।
कांग्रेस सभापति शेर बहादुर देउवाले गठन गरेका विभागहरुमध्ये शक्तिशाली विभाग संगठन विभागको प्रमुखमा नेता गोपालमान श्रेष्ठलाई मनोनयन गरिएको छ ।
संगठन विभागको सदस्यमा युवा नेता शंकर थापालाई मनोनयन गरिएको छ । युवा नेता शंकर थापा कांग्रेसमा विगत लामो समयदेखि सक्रिय भएर लागिपर्नुभएको छ ।
सभापति देउवाले कांग्रेसको बिधान २०१७ (संशोधन सहित) को धारा २५ (९) बमोजिम केन्द्रीय विभागहरुमा पदाधिकारी तथा सदस्यहरु मनोनयन गर्नुभएको हो ।
कांग्रेस सभापति देउवाले केन्द्रीय संगठन विभाग, संघीय मामिला तथा प्रदेश समन्वय विभाग, शिक्षा विभाग, यातायात व्यवसायी समन्वय विभाग, बन, वातावरण तथा विपद् व्यवस्थापन विभाग, स्थानीय तह समन्वय विभाग, निर्माण व्यवसायी विभाग, मुस्लिम विभाग, तराई मधेस समन्वय विभाग, बित्तिय तथा सहकारी संस्था समन्वय विभाग, निर्माण व्यवसायी समन्वय विभाग, तरुण विभाग र खेलकूद विभाग गठन गर्नुभएको नेपाली कांग्रेसले जनाएको छ ।
कांग्रेसले तरुण विभाग र खेलकूद विभाग यसअघि नैं गठन गरेपनि दुई वटै विभागमा सदस्यहरु थप गरिएको छ