काठमाडौँ , २० साउन ।
नारायणी अस्पतालको प्रयोगशालामा सोमबार गरिएको परीक्षणमा ३४ जनामा कोरोना संक्रमण पुष्टि भएको छ । ३४ जना संक्रमितमध्ये दुईजना चिकित्सक रहेको स्रोतले जनाएको छ ।
संक्रमित हुनेहरु १४ वर्ष देखि ५६ वर्ष उमेर समूहका रहेको अस्पतलका फिजिसियन डा।निरजकुमार सिंहले बताउनुभयो । सैनिक, पत्रकार र थुनुवाहरु पनि संक्रमित भएको डा सिंहले जनाउनुभयो ।
नेसनल मेडिकल कलेज र नारायणी वयोधा अस्पतालमा कार्यरत दुइ चिकित्सक मा कोरोना रहेको सोमबार पुष्टि भएको हो भने त्यहाँ अवस्थीत आर्मी ब्यारेकका थप ३ जना सेना जवानमा पनि कोरोना पुष्टि भएको छ । पर्साको पोखरिया नगरपालिका २ का तीन जनामा समेत कोरोना देखिएको छ । अन्य १५ जना संक्रमित वीरगन्ज महानगरपालिका विभिन्न वडाका बासिन्दा हुन् ।
यसैगरी आफैले पैसा तिरेर स्वाब परीक्षण गराएका ९ जनामा पनि कोरोना पुष्टि भएको छ ।