बझाङ, १७ साउन । क्वारेन्टाइनबाट घर पठाइएका बझाङको केदारस्यूँ गाउँपालिकाका ६६ जना बासिन्दामा कोरोना संक्रमण पुष्टि भएको छ ।
शुक्रबार २५ जना र शनिबार ४१ जना गरी जम्मा ६६ जनामा संक्रमण पुष्टि भएको हो । संक्रमितहरु केदारस्यूँ गाउँपालीकाको वडा नम्बर ६ र ७ का बासिन्दा भएको र उनीहरु सबै भारतबाट नेपाल फर्किएको गाउँपालिका स्रोतले जनाएको छ ।
संक्रमितहरु गाउँपालीकाले व्यवस्थापन गरेको क्वारेन्टाइनमा ८ देखि १२ दिन बसेको र थप केही दिन होम क्वारेन्टाइनमा बस्ने सतमा घर गएका हुन् ।
शनिबार बसेको केदारस्यूँ गाउँपालिकाको बैठकले कोरोना भाइर समुदाय स्तरमा नफैलियोस् भनेर गाउँपालीकाका वडा नम्बर ६ र ७ लाइ पुर्ण रुपमा सिल गर्ने र गाउँपालीकामा पुन लकडाउन जारी गर्ने निर्णय लिएको हो ।
आज बसेकै बैठकले वडा नं ६का मा संक्रमितलाइ भाट्सैनमा रहेका चन्द्रोदय माध्यमिक विद्यालय र वडा नं ७ का संक्रमितहरुलाई कैलाश भवानी माध्यमिक विद्यालयको आइसोलेसनमा राख्ने निर्णय गरेको छ ।
सक्रंमितहरु समुदायमा घुलमिल भइसकेको स्थानीयले बताएका छन् ।