महान उद्देश्य,
गौरवपूर्ण इतिहास
यसवेला संकटको कठघरामा छ।
हिजोका कसमहरु,
प्रतिबद्धताको दस्तावेज
अहिले आफैले जलाइदैछ।
जोडनुपर्ने मनहरु तोडेर
जतिसुकै ताली बजाएपनि,
एकअर्काको खुट्टा तानेर
जतिसुकै गाली बर्साएपनी,
हामी अगाडि हिड्ने बहानामा पछाडि सर्दैछौं
आफ्नो घर सल्काएर आफैलाई बढार्दैछौं।

किन तोडिदैछ
जनताको आशा र विश्वास ?
किन भत्काइदैछ
आफैले हिडने बाटो ?
र, किन बदनाम गराइदैछ
आफैवीचको एकता?
एउटा गम्भीर प्रश्नले
म छताछुल्ल हुँदै गएको छु,
मनलाई बुझाउन नसकेर
रनभुल्लमा पर्दै गएको छु।

(कवि तिमल्सिना नमोबुद्ध नगरपालिकाका मेयर हुनुहुन्छ-सम्पादक)

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू