दाङ, १२ साउन । राष्ट्रिय जनमोर्चा दाङले सार्वजनिक यातायातले असावधानीपूर्वक सन्चालन गरि चर्को भाडा असुलेको भन्दै आपत्ती जनाएको छ ।
जनमोर्चा दाङका अध्यक्ष गणेश आचार्यले विज्ञप्ति जारी गरी सवारी साधनहरुमा असाबधानी पुर्बक चर्को भाडा लिएर असुरक्षित तरिकाले यात्रु ओसार पसार गरेको प्रती गम्भीर ध्यानाकर्षण भएको बताएका छन् ।
सो विषयमा आजै प्रमुख जिल्ला अधिकारी गोबिन्द रिजाल लाई भेटी यो अबस्थाको बारेमा ध्यानाकर्षण गराएको पनि जानकारी दिए ।
गाडीमा सुरक्षा सामग्रीको प्रयोग नगर्ने तथा भौतिक दुरि कायम नगरी सन्चालनमा आएकोले यो जोखिमपूर्ण रहेको उनले बताए ।
त्यसैले यो विषयमा सरकार , यातायात व्यावसायि र सबन्धित निकायको गम्भीर ध्यानाकर्षण होस र सम्पुर्ण मापदण्ड पूरा गरि संक्रमणको सम्भावना लाई रोक्ने गरि यात्रुहरुलाइ यात्रा गराउन पनि पार्टीले माग पनि गरेको छ ।