साउन ४ धरान । नेपाल संस्कृत विश्वविद्यालय अन्तर्गतको धरान पिण्डेश्वर विद्यापीठमा अध्ययन गर्ने विद्यार्थीहरुले सीमा अतिक्रमण भएको भन्दै आज प्रदर्शन गरेका छन्।
सीता गुफा नजिकका सीमा स्तम्भहरु भत्काए पछि स्थानीय जनताद्वारा प्रतिकार गरिएको भिडियो भाइरल भएसंगै धरानका विद्यार्थीहरुले सीमा अतिक्रमण र सांस्कृतिक अतिक्रमण बन्द गर ! सीता गुफा, वाल्मिकि आश्रम लगायतका क्षेत्रलाई सुरक्षित गर ! ठोरी लगायत पुरातात्विक क्षेत्रमा नेपाली सेना परिचालन गर ! इण्डियन ज्यादती बन्द गर । ठोरीमा अवस्थित प्राचिन अयोध्या रामजन्मभूमीको अनुसन्धान गर ! सीमा क्षेत्रमा काडेतारको व्यवस्था गर ! लेखिएका प्लेकार्ड सहित प्रदर्शन गरिएको छ ।
केही दिन अघि मात्र भानुजयन्तिका अवसरमा प्रधानमन्त्री केपि शर्मा ओलीले रामको जन्मभूमी चितवनको ठोरीमा भएको अभिव्यक्ति दिए संगै भारत लगायतका देशमा यस विषयले तरंग पैदा गरेको थियो भने भारतभर तरंग पैदा भएको थियो । भारतमा केही साधुहरुले नेपालका प्रधानमन्त्रीको पुत्ला नै जलाएका थिए ।
यता नेपालमा भने रामको जन्मभूमीबारे थप प्रमाणहरु संकलन गर्नु पर्ने माग बढ्दै गएको छ ।
