काठमाडौँ,१ साउन । सरकारले रिक्त दुई एआईजी पदमा डीआईजीद्वय निरजबहादुर शाही र प्रद्युम्न कार्कीलाई सिफारिस गरेको छ ।
गृहसचिव महेश्वर न्यौपानेको अध्यक्षतामा बुधबार बसेको बढुवा समितिले रिक्त दुई एआईजी पदको लागी शाही र कार्की लाई सिफारिस गरेको हो।
कार्की प्रहरी प्रधान कार्यालयकै विशेष व्यूरोमा कार्यरत छन् भने शाही प्रहरी प्रधान कार्यालय महानिरीक्षकको सचिवालयमा कार्यरत छन् ।
बढुवा सिफारिस भएका शाहीले ७१.४९६१ र कार्कीले ६८.७२६७ अंक पाएका छन् ।
शाही र कार्की दुवैजना असार २५ गते महानिरीक्षकमा बढुवा भएका शैलेश थापा क्षत्रीका ब्याजी हुन् ।
महानिरीक्षकमा शैलेश थापाको बढुवा भएपछि १ र अर्का एआईजी तारिणीप्रसाद लम्सालले अनिवार्य अवकाश पाएपछि अर्को एआईजी पद रिक्त थियो । २०५८ फागुन १० मा डिएसपी, ०६७ मा पुस २० मा एसपी, ०७४ साउन १९ मा एसएसपी र ०७५ असोज २८ गते डीआईजीमा बढुवा भएका थिए ।
दुवैजना २०४९ वैशाख १९ गते निरीक्षकबाट सेवा प्रवेश गरेका हुन् ।
